Kronikë

Subashi flet për vrasësin e Mateos: Familja e djalit e ndihmonte dhe me ushqime


Bëhu pjesë e Grupit Zyrtar të Opinion.al
>> KËTU <<
               Publikuar në : 12:17 - 17/11/21 |
Opi Nion

Kryetrari i Bashkisë së Fierit, Armando Subashi, në një prononcim për mediat, ka folur për krimin e rëndë, të ndodhur ditën e djeshme në fshatin Grecali, ku 38-vjeçari Klodian Çalamëni, rrëmbeu dhe vrau 8-vjeçarin Mateo Vasia.

Ai tha se nga ana e bashkisë ishin bërë përpjekje për ta integruar në shoqëri 38-vjeçarin, madje deklaroi se Klodianit i ishte ofruar një punë, të cilën e kishte lënë pas disa ditësh.

Subashi ndër të tjera tregoi se edhe vetë familja e të miturit e kishte ndihmuar herë pas herë vrasësin e djalit të tyre.

Ne kemi bërë përpjekjet tona për ta integruar, i kemi ofruar një punë para disa kohësh në një nga ndërmarrjet e bashkisë. Ka punuar disa ditë, është larguar me dëshirën e vet. Nga informacionet që kemi është munduar të gjejë punë andej, këndej. Besoj që të gjitha këto mund të kenë ndikuar në jetën e tij të përditshme, megjithëse që dje të gjithë mundohemi të gjejmë një motiv pse mund ta ketë bërë, dhe besoj nuk ka asnjë justifikim. Ngjarje të tilla nuk kanë asnjë justifikim apo arsye. Ka pasur momente të caktuara që është trajtuar me ndihmë ekonomike. Zgjedhja e tij ka qenë e tillë që nuk e ka parë të arsyeshme të punojë dhe të integrohet”, deklaroi Subashi.

Ai sqaroi se 38-vjeçari ka qenë akuzuar dhe dënuar për heqje të paligjshme të lirisë dhe për rrahje bashkë me një person tjetër.

Nga ajo kohë kanë kaluar vite. Sa jam në dijeni, nga ana e policisë ka qenë në listën e personave problematikë. Inspektorët e zonës kanë qenë në mbikëqyrje të vazhdueshme, duke marrë kontakte në ditë të caktuar me të. Por me sa duket të gjitha këto nuk mund ta ndalonin këtë ngjarje. Një mendje normale nuk mund ta imagjinonte, aq më tepër që familjarët e djalit mundoheshin herë pas here ta ndihmonin dhe me ushqime dhe t’i bësh këtë gjëmë. Unë nuk kam fjalë. Nuk kemi dijeni për ankesa nga banorët dhe me sa dimë dhe në polici nuk ka pasur”,-tha Subashi./Opinion.al

Pas