Suada Sherifi është bërë prej pak javësh mama e një vajze, të cilën e quajti Deizi, por kjo nuk e ka larguar nga vëmendja.
Ish-Miss Shqipëria do të rikthehet në ekran, por këtë herë me një emision krejtësisht të sajin.
Të paktën kështu ka njoftuar vetë Suada, e cila në një intervistë për “INTV” ka thënë se nuk ka në plan që të heq dorë nga televizioni. “Mora një propozim për të moderuar një emision në televizion.
Nuk e di a do ta pranoj si ofertë, duke qenë se kohën më të madhe ia kushtoj vajzës sime. Megjithatë unë kam shumë besim tek vetja se do t’ia dal mbanë, të ruaj ekuilibrat. Bëhet fjalë për një format që do merret me VIP-at dhe celebritetet dhe do të jetë vetëm një herë në javë”, ka thënë Suada.
Bukuroshja, e cila së fundi ka marrë licencën edhe si notere, shpjegon arsyet që do të ndikojnë në vendimin e saj. “Akoma nuk e kam diskutuar me familjen, sepse tani këto janë vendime që nuk i marr dot e vetme dhe nuk e di nëse do ta kem këtë mbështetjen për të vazhduar tek kjo pjesë”, ka thënë ajo.
Ndër të tjera Suada ka folur edhe për partnerin e saj me të cilin ende nuk kanë celebruar dashurinë e tyre para ligjit.
“Unë po pres atë propozimin klasik për martesë, ku ai të më ulet në gjunjë si të gjithë “burrat e botës”. Shpresoj shumë që një ditë të vishem me fustan të bardhë, megjithatë ne ende nuk e kemi bërë celebrimin.”- treguar ajo.
Edhe ne shpresojmë që shumë shpejt ta shohim Suadën të veshur me fustani e bardhë të nusërisë.
