Stuhitë e pluhurit në provincat juglindore të Iranit kanë detyruar më shumë se 1000 njerëz të rajonit të Sistanit t’u drejtohen spitaleve dhe qendrave shëndetësore.
Raporti bën të ditur përmes mediave iraniane se që nga e enjtja e kaluar stuhi të forta pluhuri kanë goditur 5 qytete të Sistanit duke dërguar 1059 persona në spitale nga të cilët 145 janë ende të shtruar në spital.
Policia bëri me dije se forcat e ndihmës së parë dhe të shërbimit janë në gatishmëri të lartë.
Zyrtarët thonë se erërat e forta me një shpejtësi maksimale prej 101 km/h përshkuan qytetin e Zabulit të martën dhe pluhuri që ka pushtuar zonën ka ulur dukshmërinë horizontale në 600 metra.
Duke qenë e vendosur në një rajon të nxehtë dhe të thatë, krahina ka reshje të pakta në krahasim me rajonet e tjera. Në disa raste, sasia e reshjeve vjetore në një rajon provincial bie në më pak se 24 orë në provincë, duke shkaktuar përmbytje të rrëmbyeshme./Opinion.al
