Më shumë se 700,000 njerëz në të gjithë Juglindjen dhe Luginën e Ohajos janë në errësirë që nga e diela mbrëma, ndërsa stuhitë e fuqishme pushtuan SHBA-në.
Stuhitë goditën disa pjesë të Arkansas, Tenesi, Mississippi dhe pjesë të Luginës së Ohajos të dielën në mbrëmje dhe vazhduan të kërcënojnë zonën gjatë pjesës më të madhe të natës, tha Qendra e Parashikimit të Stuhive.
Në qytetin Bargersville, rreth 18 milje në jug të Indianapolis, autoritetet përshkruan një gjurmë shkatërrimi të mbetur si pasojë e një tornadoje të mundshme.
Kishte të paktën 75 shtëpi të dëmtuara, tha shefi i Departamentit të Zjarrfikësve të Komunitetit Bargersville, duke shtuar se stuhia gjithashtu “shkatërroi” një kompleks apartamentesh që ishte në ndërtim e sipër.
Videot e postuara në mediat sociale treguan një tornado të fuqishmë që përfshiu ndërtesat përreth duke lënë pasoja katastrofike. Zyrtarët në Bargersville u thanë banorëve në një zonë që të përgatiteshin për të qenë pa energji për 48 orët e ardhshme.
Stuhitë erdhën pasi më shumë se 50 milionë njerëz nga Arizona në Luiziana u përballën me një valë të konsiderueshme të nxehti që parashikohet të përhapet dhe të vazhdojë deri në datë 4 korrik./Opinion.al
