Katër njerëz kanë humbur jetën nga stuhitë në Teksas dhe është ndërprerë energjia në gati një milion shtëpi dhe biznese në Teksasin juglindor.
Sipas mediave të huaja mësohet se dy persona kanë vdekur si pasojë e rrëzimit të pemëve nga stuhia.
Në Hjuston, semaforët janë fikur, dritaret e hedhura në erë dhe xhamat e shpërndarë nëpër rrugët e qytetit.
Banorët janë paralajmëruar të qëndrojnë brenda shtëpive, ndërsa shkollat janë pezulluar deri në një njoftim të dytë.
Sipas zyrës së Shërbimit Kombëtar të Motit të Hjustonit, paralajmërime për përmbytje të menjëhershme dhe stuhi të rënda u lëshuan për disa qarqe që do të shkojnë deri në mbrëmje, ndërsa në Luiziana ka 215,000 familje pa energji elektrike.
Kjo është hera e dytë në gjashtë javë që një stuhi vdekjeprurëse ka përfshirë zonën e Hjustonit.
Muajin e kaluar një tornado goditi periferinë e Katy, duke vrarë një person dhe duke plagosur 10 të tjerë.
