Moti i keq ka përfshirë përsëri disa zona të vendit tonë. Pasideten e sotme, mori i keq ka shkaktuar probleme në Librazhd.
Për shkak të reshjeve të shiut me intensitet të shoqëruara me erëra të fuqishme ka bërë pothuajse të pamundur qarkullimin e automjeteve në rrugë.
Ndërkohë era e fortë ka sjellë jo pak pasoja duke dëmtuar pemë, shtyllat e energjisë elektrike, përcjellës të rrjetit elektrik si edhe duke zhvendosur çadra, tavolina e karrige të lokaleve.
Gjithashtu për shkak të reshjeve të dendura janë përmbytur disa rrugë. Sakaq, të gjitha ndërmarrjet e shërbimeve të bashkisë Librazhd dhe strukturat e emergjencave civile kanë kaluar në gatishmëri për të përballuar situatën e krijuar.
