Moti i keq dhe stuhitë kanë prekur tashmë edhe zona të caktuara të Ballkanit. Në rajonin e Ohrit në Maqedoninë e Veriut të paktën 13 persona raportuan lëndime ose trauma të shkaktuara nga rrufeja, njofton Alsat.
Katër prej tyre pësuan djegie në gjymtyrë, ndërsa të tjerët ishin kryesisht pa dëmtime të dukshme, por u ankuan për përjetim të stresit, probleme të dëgjimit, vështirësi në frymëmarrje. Bubullimat goditën lokalitetin “Orevçe” afër plazhit në Liqenin e Ohrit. Shërbimi Emergjent Mjekësor ndërhyri dhe të plagosurit u trajtuan në qendrat shëndetësore në qytet./Opinion.al
