Shirat e rrëmbyeshëm kanë përfshirë disa pjesë në perëndim të Japonisë, teksa stuhia Krosa i është afruar kësaj zone. Si pasojë qindra fluturimeve dhe udhëtimeve me tren janë anuluar, si dhe më shumë se gjysmë milioni personave iu është kërkuar që të evakuohen.
Autoritetet kanë paralajmëruar se rënia e shiut në disa zona mund të kalojë 1,000 milimetra brenda 24 orëve, ndërsa stuhia “Krosa”, pritet të ketë ererëra të forta deri në 108 kilometra në orë, kur të arrijë në zonën e Hiroshimas.
“Duke marrë parasysh parashikimet për rënie të shiut dhe erëra të fuqishme, ne iu kemi kërkuar njerëzve në zonat e prekura që të mos dalin jashtë dhe të bëjnë përgatitje për evakuim, nëse një urdhër i tillë merret nga autoritetet lokale”, ka thënë Sekretari i Qeverisë Japoneze, Yoshihide Suga.
Marrja e këtyre masave është konsideruar e domosdoshme pasi më shumë se 200 persona knë ndërruar jetë si pasojë e shiut të pandërprerë dhe vërshimeve që kanë ndodhur në perëndim të Japonisë një vit më parë./Opinion.al
