Europa Veriore dhe Qendrore është goditur gjatë orëve të fundit nga stuhia e fuqishme “Fabienne”.
Një grua humbi jetën në Bavari të Gjermanisë, pasi erërat e forta thyen pemë e shkatërruan një zonë kampingu. Mediat gjermane flasin po ashtu për disa të plagosur.
Erërat e forta arritën një shpejtësi mbi 100 km/orë, duke sjellë me vete reshje të dendura shiu, përmbytje, dhjetëra aksidente rrugore, banesa të dëmtuara, etj.
Veç disa rrugëve të bllokuara, stuhia ka shkaktuar probleme edhe në qarkullimin hekurudhor.
Stuhia ka mbërritur deri në Zvicër, ku autoritetet thonë se ajo mund të marrë përmasat e një uragani.
