Aktualitet

Stuhia e dëborës “Filomena” i drejtohet Ballkanit, a do preki Shqipërinë?


Bëhu pjesë e Grupit Zyrtar të Opinion.al
>> KËTU <<
               Publikuar në : 15:06 - 10/01/21 |
Doriana Çepunaj

Stuhia “Filomena” ka mbuluar një pjesë të Spanjës me dëborë, ndërkohë që pothuajse gjysma e vendin ndodhet në një alarm të kuq dhe në gjendje gatishmërie.

Në këtë situatë linjat hekurudhore, rrugore dhe ajrore janë ndërprerë ndërsa ministri i Brendshëm Fernando Grande-Marlaska tha se vendi po përballej me “stuhinë më të fortë në 50 vitet e fundit”.

Madridi, një nga zonat më të prekura, është mbuluar me rreth 20 cm dëborë në 24 orët e fundit. Më në jug stuhia bëri që lumenjtë të shpërthenin brigjet e tyre.

Katër vdekje janë raportuar deri më tani si rezultat i stuhisë Filomenas njëri në qytetin Zarzalejo, në veri-perëndim të Madridit dhe tjetri në qytetin lindor të Calatayud.  Dy persona që udhëtonin me një makinë u morën me vete nga përmbytjet pranë qytetit jugor të Malaga.

Ndërkohë, Kryeministri spanjoll Pedro Sánchez u bëri thirrje njerëzve të qëndrojnë në shtëpi dhe të ndjekin udhëzimet e shërbimeve të urgjencës.

Sipas BBC-së stuhia që ka goditur Spanjën sipas parashikimeve dhe burimeve do të drejtohet për në Ballkan, me reshje të shumta shiu dhe dëbore. Ndër vendet e prekura do të jetë Shqipëria, Greqia por edhe vende të tjera në rajon./Opinion.al

 

 

 

Pas