Një Tesla ka rënë ‘viktimë’ e një stuhie të fortë në Zvicër.
Fundjavën e kaluar një stuhi e fortë goditi vendin e Evropës Qendrore me reshje të dendura shiu, por edhe breshër në përmasa jo normale.
Pronari i Tesla-s tregon se çfarë i ndodhi makinës së tij nga breshëri ndërsa xhami i pasmë i makinës u thye.
Përmes pamjeve të publikuara në rrjete sociale shihet se si kokrrat e breshërit godasin makinën duke e dëmtuar dhe duke i thyer komplet xhamin e pasmë të automjetit. Megjithatë, nuk janë të pakta rastet kur automjetet Tesla bien viktima të motit të keq dhe kanë dëme të konsiderueshme.
Kujtojmë që vetëm pak ditë pas valës së të nxehtit, Zvicra është përballur me reshje të dendura shiu që kanë shkaktuar përmbytje dhe rrëshqitje balte, ndërsa bora tashmë është rishfaqur.
Dëbora ka arritur lartësinë 1638 metra në Valais në jug të Zvicrës. Shumë qafa malore në Alpe, si Gotthard dhe Zimblon, kanë mbetur të mbyllura sot, për shkak të reshjeve të shiut që nisën mbrëmjen e premtes dhe shkaktuan rrëke balte. Shërbimet e trenave u anuluan në disa zona për shkak të rrëshqitjeve të dheut.
Zvicra dhe ekosistemi i saj janë veçanërisht të prekur nga ndryshimet klimatike. Situata në akullnajat përshkruhet si dramatike: midis 2021-2022 ata humbën 6% të vëllimit të tyre./Opinion.al
⚠️ Viewer discretion advised ⚠️
Tesla Model Y totalled by a hail storm in Switzerland 🇨🇭 this past weekend 😢 pic.twitter.com/3nS3sbolJb
— Drive Tesla 🇨🇦 (@DriveTeslaca) August 28, 2023
