Stuhia “Dennis” ka goditur Europën duke shkaktuar probleme të shumta, për shkak të shirave të dendur dhe erës së fortë. Veçanërisht është prekur Mbretëria e Bashkuar, ku pjesë të mëdha të vendit janë përmbytur për shkak të rritjes së nivelit të lumenjve.
Shumë rrugë kryesore dhe autostrada vijojnë të qëndrojnë të mbyllura në Britani, Skoci dhe Uells, ndërsa linja të shumta të trenave dhe metrove kanë pezulluar aktivitetin.
Mijëra banesa janë pa energji elektrike, pasi era e fortë ka dëmtuar linjat e tensionit të lartë dhe autoritetet kanë pezulluar mësimin në shumë shkolla.
Ato theksojnë se niveli i ujit në shumë pjesë të Britanisë ka arritur nivele rekord në 40 vitet e fundit ndaj janë lëshuar mbi 300 paralajmërime për përmbytje të mundshme, përfshirë 5 alarme të rrezikshmërisë së lartë nga stuhia Dennis.
Sakaq, kjo është stuhia e dytë që godet vendin brenda një periudhe të shkurtër kohore. Pak ditë më parë, stuhia “Ciara” goditi Mbretërinë e Bashkuar, duke lënë pas shumë dëme./Opinion.al
