Që prej paradites së sotme Himara dhe zonat përreth saj kanë mbetur pa energji elektrike. Sipas pushuesve që ndodhen aty thuhet se shkak i ndërprerjes janë bërë reshjet dhe vetëtimat.
Por ndonëse kanë kaluar 5 orë nga kjo ndërpreje dhe jemi vetëm në fillimin e sezonit turistik, Himara, Livadhi dhe Potami vijojnë të mbeten pa energji elektrike, duke shkaktuar shqetësim tek pushuesit që ndodhen aty.
OSHEE sqaron se në kushtet e një moti të vështirë që vazhdon ende, puna në terren vështirësohet duke sjellë për pasojë edhe vonesa në normalizimin e situatës.
Ajo shton se dëmtimet janë shfaqur në 3- 4 zona të ndryshme dhe është duke u punuar për normalizimin e situatës.
