Stuhi e fortë e shoqëruar me reshje të dendura shiu, breshër dhe vetëtima ka goditur shumë pjesë të Serbisë. Ministria e Punëve të Brendshme e Serbisë u dërgoi qytetarëve të Beogradit një njoftim urgjent për stuhi të fortë dhe shpalljen e gjendjes se jashtëzakonshme përmes një mesazhi SMS.
Stuhia ka shkaktuar dëme materiale, përmbytje lokale, rrëshqitje dheu, shembje dhe ka paraqitur rrezik për sigurinë e njerëzve dhe kafshëve.
Po ashtu qytetarët e kryeqytetit serb ishin nën goditjet e rrufesë, që shkaktuan probleme në funksionimin e të gjitha pajisjeve që përdorin energji elektrike.
Në disa zona pati rrezik për zjarr, si dhe u krijuan probleme në telekomunikacion dhe në trafik.
Reshje të dendura shiu të shoqëruara me vetëtima përfshinë Obrenovacin, Pançevën, Mlladenovacin, Kragujevcin dhe shumë zona të tjera.
Reshjet e fuqishme kanë shkaktuar tashmë përmbytje në shumë zona ndërkohë që qytetarëve i rekomandohet të qëndrojën në shtëpi dhe të ndjekin informacionet nga autoritetet. Klan News
