Pjesa lindore e Shteteve të Bashkuara të Amerikës është përfshirë nga rreshje dëbore prej 71 cm, duke u goditur kështu nga ajo që mund të cilësohet një stuhi e vërtetë dëbore.
Dëbora e madhe filloi të bjerë të premten në më shumë se 20 shtete duke prekur rreth 85 milion njerëz.
Kryebashkiaku i New York-ut, Bill de Blasio tha se “stuhia është një nga më të këqijat që ka prekur vendin”.
BBC raporton se të paktën 10 njerëz kanë vdekur dhe emergjenca është shpallur në 10 shtete.
Qindra shtëpi janë pa energji elektrike ndërsa rrugët e New Yorkut janë bllokuar plotësisht.
