Studiuesja amerikane mbi trashëgiminë kulturore, Dr.Lori Amy, foli të enjten për Teatrin Kombëtar.
Amy shprehu shqetësimin e saj për miratimin në parlament të ligjit për shembjen e teatrit. Gjithashtu, edhe për parashikimin e tij për ndërtime të tjera në zonë.
Kjo konferencë mbi korrupsionin në drejtësi dhe përfshirjen e qytetarëve kundër tij është jashtëzakonisht e rëndësishme.
Ajo deklaroi se po miratohet një ligj, që bie ndesh dhe dhunon Kushtetutën. Ai ligj i heq këshillit bashkiak të drejtën të marrë vendime për qendrën e qytetit.
Natyra kriminale e këtij ligji është e tillë, që ne duhet ta ngremë sërish si çështje dhe ta kundërshtojmë.
Amy deklaroi se duhet demaskuar kriminaliteti, që qëndron pas këtij ligji.
Ne nuk kemi pse diskutojmë, nëse duhet një teatër i ri, sepse këtu nuk është çështja për një teatër të ri.
Sipas saj çështja është ky partneritet jotransparent publik-privat. Duke theksuar se ne e dimë mirë se prapa tij fshihet korrupsioni.
Pyetja ime në këtë dhomë është se çfarë duhet bërë për këtë? Ne po flasim këtu për masat anti-korrupsion.
Ndërkohë po ndodh ngjarja më e madhe e korrupsionit në vend, ndaj duhet të merremi me të./Opinion.al
