Mes shumë arsyeve që kemi për të konsumuar frutat e thata, tashmë është shtuar një tjetër shumë e rëndësishme: Në fund të fundit, ato mbrojnë jo vetëm shëndetin tonë fizik, por edhe atë mendor.
Shkenca tani ju jep një sugjerim: të hani 30 gramë arra çdo ditë dhe ato do t’iu ndihmojnë të shmangni depresionin. Zbulimi i ri i hulumtimit është publikuar në Clinical Nutrition.
Studiuesit nga Universiteti i Castilla-La Mancha shikuan të dhënat e më shumë se 13,500 njerëz në Mbretërinë e Bashkuar, të moshës 37-73 vjeç, të cilët nuk ishin në depresion në fillim të studimit.
Ekipi hulumtues analizoi mënyrën e ushqyerjes së tyre, duke përfshirë arra të pakripura, të kripura dhe të pjekura si dhe bajame, shqeme dhe kikirikë. Pjesëmarrësit u ndoqën për një periudhë prej pesë vitesh, gjatë së cilës 8% u diagnostikuan me depresion.
Duke kombinuar provat, analiza arriti në përfundimin se konsumi i ulët deri në moderim i frutave të thata, që do të thotë një sasi prej rreth 30 gramë në ditë, lidhej me një rrezik 17% më të ulët të depresionit. Kjo sasi është e barabartë me afërsisht 20 bajame, 15 shqeme, 30 kikirikë me lëvozhgë ose 40 fistikë.
