Një testim klinik lidhur me efikasitetin e rivaksinimit me vaksinën Sputnik V si mbrojtje kundër mutacioneve të reja të koronavirusit ka dhënë rezultate pozitive.
Sipas Reuters, muajin e shkuar Presidenti Vladimir Putin kërkoi një rishikim duke nisur që nga 15 Marsi, lidhur me efikasitetin e vaksinave ruse për variantet e reja të Covid të përhapura në botë.
“Një studim i kryer në qendrën “Gamaleya” në Rusi tregoi se Sputnik V ka efekte pozitive në mutacionet e virusit duke përfshirë shtamet e identifikuara në Britaninë e Madhe dhe Afrikën e Jugut”, tha Dennis Logunov, zëvendës drejtori i qendrës që zhvilloi vaksinën.
Rezultatet e testimeve klinike pritet të bëhen publike së shpejti, por ky ishte treguesi i parë i funksionit të tyre.
Vaksinat që përdorin vektorë viralë si Sputnik V dhe AstraZeneca, përdorin virusin e doëbësuar për të përcjellë informacionin gjenetik gjë që e ndihmon trupin të jetë imun në infeksionet e mëvonshme./Opinion.al
