Një studim i publikuar në “The Lancet” ka vënë në dukje se vaksina Pfizer është më pak efektive ndaj variantit Indian të Covid, i quajtur tashmë Delta, sipas emërtimeve të reja të prezantuara nga Organizata Botërore e Shëndetësisë (OBSH).
Antitrupat e prodhuar nga njerëzit që kanë marrë të dyja dozat e vaksinës Pfizer / BioNTech priren të jenë më shumë se pesë herë më pak efektive ndaj variantit B.1.617.2 Delta sesa ato kundejt versionit origjinal të virusit SarsCoV2.
Kjo tregohet nga hulumtimi i kryer në Britaninë e Madhe, me koordinimin e Institutit Francis Crick dhe botuar në revistën “The Lancet”. I koordinuar nga Emma Wall dhe David Bauer, të dy nga Instituti Francis Crick, studimi tregon se niveli i antitrupave bëhet më i ulët me rritjen e moshës dhe tenton të bjerë me kalimin e kohës.
Studiuesit matën nivelin e antitrupave neutralizues dhe efektin e tyre në variantet kryesore të virusit SarsCoV2 në 250 individë të moshës 33 deri 52 vjeç, disa prej të cilëve kishin marrë një dozë të vaksinës Pfizer-BioNTechndërsa një pjesë ishte vaksinuar me të dyja dozat.
Për autorët e studimit “është e vështirë të vlerësohet me saktësi deri në çfarë mase zvogëlimi i antitrupave do të ketë një ndikim në efikasitetin e vaksinës”, ashtu si është e vështirë të parashikosh efektet në “ashpërsinë që mund të ketë sëmundja në një popullatë të vaksinuar”./Opinion.al
