Një studim i publikuar nga “The Independent” tregon se martesa ka një sërë efektesh pozitive në personalitetin e njerëzve.
Studimi i bërë në Universitetin Tilburg në Holandë, tregon se martesa ndihmon të përmirësimin e vetëkontrollit, zhvillon ndjesinë e faljes e të bën njeri më të mirë e më të ndjeshëm.
Të anketuarit ishin çifte të sapo martuar, të cilët u morën në studim muajt e parë pas celebrimit dhe rreth katër viteve më vonë. Studiuesit vunë re se pas disa viteve martesë, partnerët kishin qenë më të prirur të harrojnë dhe të falin gabime, e gjithashtu t’i rezistojnë agresivitetit dhe gjaknxehtësisë.
Të anketuarit treguan se gjatë martesës kanë mësuar të tolerojnë e të falin, edhe kur janë të xhindosur me partnerët./E.M
