Sipas një studimi të ri vajzat adoleshente kanë dy herë më shumë gjasa se djemtë të tregojnë simptoma të depresionit, të lidhura me përdorimin e mediave sociale, kryesisht për shkak të ngacmimeve online dhe gjumit të çrregulluar, raporton Reuters.
Sipas të dhënave, vajzat adoleshente janë të prekura nga depresioni edhe për shkak të vetëvlerësimit të ulët mbi pamjen fizike, duke përfshirë peshën, format trupore, stilin.
Studimi analizoi të dhënat e rreth 11.000 të rinjve në Britani, dhe studiuesit zbuluan se vajzat 14 vjeçare ishin përdoruese më të shumta të mediave sociale, duke qëndruar në to më shumë se tre ore në ditë.
Studimi gjithashtu tregoi se 38 përqind e atyre të rinjve që i përdorin rrjetet sociale pesë orë apo më shumë, treguan qartë shenja të depresionit.
Kur hulumtuesit shqyrtuan proceset themelore që mund të lidhen me përdorimin e mediave sociale dhe depresionin, ata zbuluan se 40 përqind e vajzave dhe 25 për qind e djemve kishin hasur në ngacmime online. Gjithashtu u raportua gjum i çrregullt nga 40 përqind e vajzave e 28 përqind e djemve. Ankthi dhe gjumi i dobët janë të ngushtë me depresionin.
Yvonne Kelly, një profesor në Institutin e Epidemiologjisë dhe Kujdesit Shëndetësor të kolegjit Universitar të Londrës, i cili bashkë-udhëhoqi hulumtimin, u kërkoi prindërve dhe politikëbërësve të kënë në vëmendje rezultatet e këtij hulumtimi./Opinion.al
Burimi: Reuters
