“Pallati 28- katësh i ndërtuar në vijë e parë të plazhit në Shkëmbin e Kavajës duhet të shembet” , ky është rekomandimi qe vjen nga Instituti i Ndërtimit Tiranë. Në relacionin e hartuar me kërkesë të prokurorisë së Durrësit, inxhinierët e këtij institucioni thonë se objekti shfaq probleme të shumta. Gjithashtu specialistet kanë konstatuar që leja e ndërtimit është shkelur, ndaj kanë rekomanduar prishjen e objektit.
Menjëherë pas këtij relacioni, drejtori i Institutit të Ndërtimit, inxhiner Agron Hysenlliu është kërcënuar nga pronari i pallatit, Enver Shala. Ndërkaq ky objekt ka qenë edhe me herët në qendër të vëmendjes, për shkak të shembjes se konstruksioneve metalike të 3 kateve të fundit shtesë, duke rrezikuar jetën e punëtorëve.
Asokohe Enver Shala, u procedua penalisht në gjendje të lirë për shkatërrim të pronës nga pakujdesia dhe shkelje të rregullave të mbrojtjes në punë. Ndërsa më herët dhe pikërisht në vitin 2013, i është prishur kompleksi “Kamelia” tek Ura e Dajlanit si dhe një tjetër objekt tek Shkembi i Kavajës. /Opinion.al
