Koronavirusi mund të çojë në komplikime serioze neurologjike për të paktën një të tretën e të gjithë pacientëve.
Ky ishte përfundimi i një studimi, të kryer mbi disa pacientë të prekur nga Covid-19, në Wuhan të Kinës dhe të botuar në revistën shkencore “JAMA Neurology”.
Shkencëtarët vëzhguan 214 të infektuar të shtruar dhe raportuan se më shumë se 35% e tyre kishin komplikime neurologjike, duke përfshirë nivele të ulëta të vetëdijes, goditje në tru dhe dëmtim të muskujve.
Ata zbuluan po ashtu se jo të gjithë pacientët me dëmtime neurologjike shfaqin simptoma të zakonshme të Covid-19, domethënë dhimbje të fytit, kollë të thatë dhe diarre.
Lajmi vjen pas raportimeve të mëparshme që shumë pacientë COVID-19 pësojnë humbje të aftësisë për të nuhatur, reduktim të ndjesisë së aromave dhe shtrembërim të ndjenjës së shijes. Këto simptoma, janë tjetër dëshmi që vërtetojnë se si koronavirusi i ri mund të ndikojë në tru./ Opinion.al
