Kopjimi është problem i madh në sistemin arsimor të Kosovës. Afro 80 për qind e studentëve, të cilët janë anketuar në një studim të bërë nga Instituti për Demokraci dhe Zhvillim, kanë konfirmuar se kopjimi është i pranishëm në masë të madhe Universitetin e Prishtinës.
Studimi që ka bërë Instituti për Demokraci dhe Zhvillim tregon se studentët përdorin teknologjinë për të kopjuar, duke përfshirë telefonat e mençur dhe kufje të punuara enkas.
“Nga 625 studentë të anketuar, 79 për qind konfirmojnë se kopjimi është i pranishëm në masë të madhe në Universitetin e Prishtinës, ndërsa 73 për qind pajtohen që studentët bëjnë përpjekje të veçanta në përgatitjen për të kopjuar”, thuhet në këtë hulumtim. /Ekspress
