Të dhënat e reja të një studimi shkencor sugjerojnë se jeta shkëlqen para syve tanë kur vdesim.
Një ekip shkencëtarësh u nisën për të matur valët e trurit të një pacienti 87-vjeçar që kishte zhvilluar epilepsi. Por gjatë regjistrimit neurologjik, ai pësoi një atak fatal në zemër – duke regjistruar kështu trurin që po vdiste.
Regjistrimi zbuloi se në 30 sekondat para dhe pas vdekjes, valët e trurit të burrit ndiqnin modele si ëndërrimi ose rikujtimi i momenteve të bukura të jetës së tij.
Dr Ajmal Zemmar bashkautor i studimit, tha se ajo që ekipi, në, Kanada, mori aksidentalisht në fakt, ishte regjistrimi i parë i një truri që po vdiste.
Ai i tha BBC-së: “Kjo në fakt ishte krejtësisht rastësore, ne nuk planifikonim ta bënim këtë eksperiment ose të regjistronim këto sinjale.”
“Nëse do të hidhesha në sferën filozofike, do të spekuloja se nëse truri do të bënte një rikthim, ndoshta do të donte të kujtonte gjërat e mira, dhe jo të këqijat,”, tha dr Ajmal Zemmar.
Dr Zemmar, neurokirurg në Universitetin e Louisville, tha se në 30 sekonda para se zemra e pacientit të ndalonte furnizimin me gjak në tru, valët e trurit të tij ndoqën të njëjtat modele njësoj si kur kryejmë detyra me kërkesa të larta njohëse, si përqendrimi, ëndërrimi.
Ai vazhdoi 30 sekonda pasi zemra e pacientit pushoi së rrahuri – pika në të cilën një pacient zakonisht shpallet i vdekur. “Kjo mund të jetë një kujtim i fundit i momenteve të bukura që kemi përjetuar në jetë, dhe ato përsëriten përmes trurit tonë në sekondat e fundit para se të vdesim.”
Studimi gjithashtu ngre pyetje se kur, saktësisht, jeta përfundon – kur zemra ndalon së rrahuri, apo kur truri ndalon së funksionari./Opinion.al
