Covid-19 mund të infektojë zorrët, si dhe sistemin e frymëmarrjes, sipas hulumtimeve të reja. Shkencëtarët kanë gjetur më parë materiale gjenetike të virusit që shkakton sëmundjen, në mbetjet fekale të pacientëve, duke ngritur shqetësime se mund të transmetohet permes tyre.
Autoriteti shëndetësor i Kinës gjithashtu njohu diarren si simptomë të sëmundjes në udhëzimet e saj zyrtare të trajtimit.
Sidoqoftë, shkencëtarët nuk ishin të sigurt nëse zorra mund të infektohej dhe koronavirusi, i njohur zyrtarisht si Sars-CoV-2, shumëfishohet atje, por studimet e fundit nga studiuesit holandezë dhe kinezë e mbështesin këtë teori.
Studimi Hollandez, botuar në revistën Scienc, në 1 maj, tregon se virusi mund të infektojë entocitet – që drejtojnë sipërfaqen e brendshme të zorrëve, në të njëjtën mënyrë siç bën Sars. Të dy viruset mund t’i bashkëngjiten një receptori enzimë të njohur si ACE2, i cili gjendet në bollëk në qeliza.
Studiuesit, nga Instituti Hubrecht në Utrecht, Qendra Mjekësore e Universitetit Erasmus në Roterdam dhe Universiteti Maastricht – zhvilluan një model të kulturës qelizore të zorrëve, për të parë sesi qelizat brenda zorrëve iu përgjigjën Sarsit dhe koronavirusit të ri.
Ata zbuluan se brenda 60 orëve numri i qelizave të infektuara ishte ‘rritur në mënyrë dramatike’, ndërsa një mekanizëm mbrojtës viral, ishte aktivizuar.
‘Vëzhgimet e bëra në këtë studim ofrojnë një provë të qartë që koronavirusi mund të shumëfishohet në qelizat e traktit gastrointestinal. Megjithatë, ne ende nuk e dimë nëse koronavirusi i pranishëm në zorrët e pacientëve me Covid-19 luan një rol të rëndësishëm në transmetim. Gjetjet tona tregojnë se ne duhet t’a vëzhgojmë këtë mundësi më nga afër.”, tha Bart Haagmans, një nga studiuesit kryesorë nga Universiteti Erasmus.
Studiuesit Hollandezë thanë se ata gjithashtu ishin të befasuar kur zbuluan se numri i receptorëve ACE2 në qelizat e zorrëve, bëri pak ndryshim në normën në të cilën u infektua duke sugjeruar që edhe nivelet e ulëta të enzimës së receptorit, do të ishin të mjaftueshme për të lejuar hyrjen e virusit në trup./Opinion.al
