Shkencëtarët britanikë kanë konstatuar se çokollata lehtëson simptomat e kollës kronike.
Në studim kanë marrë pjesë rreth 300 njerëz të cilët kanë vuajtur nga kolla kronike. Për 14 ditë rresht, shkencëtarët u kanë dhënë çokollatë të zezë, 2 herë në ditë.
Rezultatet e studimit kanë treguar që simptomat e kollës janë reduktuar dukshëm te 60 për qind e pjesëmarrësve.
Çokollata e zezë përmban “teobrominën”, për të cilën shkencëtarët pohojnë se ka veti shëruese çudibërëse. Ata theksojnë që 30 g të çokollatës së zezë, jo të ëmbël, përmban 450 mg teobrominë, çokollatat e zeza të ëmbla kanë 150 mg, ndërsa çokollatat e qumështit rreth 60 mg.
Disa copa të çokollatës së zezë në ditë nuk lehtësojnë vetëm simptomat e kollës. Kështu, është dëshmuar që çokollata ka veçori të shkëlqyeshme antioksidative, të cilat reduktojnë nivelin e radikaleve të lira dhe parandalojnë krijimin e sëmundjeve të ndryshme, duke përfshirë edhe sëmundjet e zemrës dhe sulmin në zemër.
