Vaksina Novavax është efektive ndaj variantit të ri të koronavirusit të zbuluar në Mbretërinë e Bashkuar.
BBC shkruan se nga provat e zhvilluara në shkallë të gjerë në Mbretërinë e Bashkuar, Novavax ka rezultuar 89.3% efektive e kundër variantit të ri të koronavirusit të zbuluar në Mbretërinë e Bashkuar dhe në masën 60% edhe për variantin e Afrikës së Jugut.
Novavax është e para vaksinë që tregon në prova se është efektive kundër variantit të ri të virusit që gjendet në Mretërinë e Bashkuar, tha redaktori mjekësor i BBC Fergus Walsh.
Kryeministri Boris Johnson e ka cilësuar si një lajm shumë të mirë, dhe tha se ekspertët e mjekësisë në Mbretërinë e Bashkuar tashmë do të vlerësojnë vaksinën.
Mbretëria e Bashkuar ka siguruar 60 milion doza të vaksinës ndaj COVID-19. Dozat pritet të dorëzohen në gjysmën e dytë të këtij viti, nëse miratohen për përdorim nga Agjencia Rregullative e Barnave dhe Produkteve Shëndetësore (MHRA), tha qeveria.
Ndërkohë ndryshe nga vaksinat Pfizer dhe Moderna, vaksina e Novavax mund të ruhet në temperaturë normale frigoriferike, që do të thotë se mund të shpërndahet më lehtë.
Stan Erck, shefi ekzekutiv i Novavax, tha se rezultatet nga eksperimenti në Mbretërinë e Bashkuar ishin “spektakolare” dhe “aq të mira sa mund të shpresonin”, ndërsa efikasiteti në Afrikën e Jugut ishte “mbi pritjet e njerëzve”.
Deri më tani Britania e Madhe ka miratuar tre vaksina të koronavirusit për përdorim urgjent, atë të Universitetit të Oksfordit dhe AstraZeneca, vaksinën e Pfizer dhe BioNTech dhe vaksinën Moderna./Opinion.al
