Kërkimet shkencore për të gjetur një kurë të mundshme për koronavirusin po vazhdojnë në të gjithë botën. Por, teksa vaksinat kërkojnë kohën e eksperimentimit dhe aprovimit, shkencëtarët australianë pretendojnë se një ilaç anti-parazit, që gjendet në të gjithë botën, ka mundur të vrasë virusin Covid-19 në një laborator brenda 48 orësh.
Teste janë kryer me ‘Ivermectin’, një ilaç që zakonisht përdoret për të trajtuar sëmundje të tjera Zika.
Në studimet për kulturën e qelizave të kryera nga Instituti i Biomjekësisë Discovery (BDI) në Universitetin Monash (Melbourne) në bashkëpunim me Institutin Doherty, u zbulua se ky ilaç ia ka dalë mbanë për të eleminuar ngarkesën virale të koronavirusit në vetëm dy ditë.
“Ne zbuluam se edhe një dozë e vetme mund të eliminojë të gjithë ARN-in virale brenda 48 orëve dhe se kjo ngarkesë ulet në mënyrë të konsiderueshme brenda 24 orëve,” thanë studiuesit.
Ende nuk dihet si funksionon Ivermectin mbi virusin, por hapi i radhës së shkencëtarëve është të sigurohen se përdorimi i këtij ilaçi tek njeriu është i sigurtë.
Para se Ivermectin të përdoret për të luftuar koronavirusin globalisht, duhet të kryen testime dhe prova të njëpasnjëshme për të zbuluar të dhëna të reja.
Kjo barnë, e aprovuar si ilaç kundër parazitëve ka rezultuar gjithashtu efektive kundër virusit HIV, gripi apo infeksione të rënda./Opinion.al
