Studime në SHBA apo Angli, ja një mundësi e mirë për studentët shqiptarë

Të gjithë ata të rinj që ëndrrën e tyre e kanë lidhur me studimet jashtë vendit, do të kenë mundësinë të njohin hapësira të reja që u vihen në dispozicion veçanërisht nga Mbretëria e Bashkuar, SHBA, Hollanda dhe Suedia. Kjo do të bëhet e mundur përmes një panairi të veçantë që do të mbahet përgjatë dy ditëve në hotel “Rogner”.
Gjatë këtij panairi do të paraqiten të dhëna dhe informacione të plota për mundësitë e studimit nga shkollat më të njohura në Mbretërinë e Bashkuar. Studentët do të kenë mundësinë të shikojnë çdo ofertë si dhe të flasin nga afër me menaxherët dhe pedagogët e ardhur nga Anglia.
Për studentët që kanë rezultate të shkëlqyera në mësime dhe njohuri shumë të mira të gjuhës angleze, ofrohen edhe bursa.
Panairi do të zhvillohet në Hotel Rogner me datën 25 dhe 26 Janar 2018 nga ora 11:00 deri 18:00.