TIRANË- Një studente është dënuar se me 1.5 vite burg pasi ka kërcënuar një biznesmen nga Vlora me të cilin mendohet se kishte patur lidhje. Vajza i ka kërkuar 15 mijë euro në këmbim të ruajtjes së privatësisë, pasi biznesmeni ishte i martuar.
Avokati i saj ka thënë në polici, se sms ishte shaka dhe nuk kishte plan në të vertetë ti merrte ish-të dashurit 15 mijë euro.
Vajza u procedua në gjendje të lirë nga ana e Policisë, duke qenë se pretendoi se ishte thjesht një shaka dhe mesazhet nuk kishin asnjë qëllim serioz për përfitim nga biznesmeni vlonjat.
Megjithatë, çështja shkoi për gjykim në Gjykatën e Krimeve të Rënda, me akuzën “shtrëngim me anë të kanosjes ose dhunës për dhënie pasurie”. Vendim i formës së prerë, që e shpalli fajtore studenten 21 vjeçare, u dha më 26 qershor të vitit të kaluar nga Gjykata e Apelit për Krime të Rënda, që e dënoi atë me 1 vit e 4 muaj burgim.
Studentja Desilvja Menja nuk do të kryejë asnjë ditë burg pasi përfiton nga amnistia.
