Një studente 22-vjeçare ka zgjedhur të dalë e të dëfrehet me shoqërinë e saj, të gjithë shqiptarë, në një klub nate në lagjen Gazi të Athinës.
Por, ajo natë mes së martës e së mërkurës, që vajza e kishte planifikuar si një natë dëfrimi, në të vërtetë u kthye në një makth.
Njeri prej miqve të vajzës, rreth 30-vjeç, i hedh asaj në gotë “spanish fly”, një drogë e rrezikshme dhe toksike që shitet paligjshmërisht si afrodiziak.
Pasi droga bën efektin dhe vajza nis e ndihet e trullosur, djali vetëofrohet ta çojë në banesën e saj. Asnjë nga shoqëria nuk dyshoi, shkruan “athensmagazine”.
Nuk ishte shtrati i shtëpisë ku vajza përfundoi, por ai i një hoteli pranë barit. Aty, ai e përdhunoi. Me pas, e çoi në shtëpinë e tij.
Kur zgjohet dhe kupton se çfarë ndodhi, shkon në banesën e saj, i rrëfen së ëmës dhe shkojnë të dyja në polici për të bërë denoncimin.
Pasi verifikohet që ajo ishte përdhunuar dhe merren pamje nga kamerat e sigurisë së hotelit, policia gjen adresën e banimin të përdhunuesit.
Kur policia e rendit të lagjes Petralona shkon për ta arrestuar atë, gjen aty pranë disa policë të departamentit kundër narkotikeve, qe po e përgjonin atë prej 2 muajsh, pasi dyshohej se, bashkë me xhaxhanë e vet, trafikonin sasi të mëdha droge.
Në fund, trafikanti-përdhunues, shqiptar, u arrestua.
