Kryeministri Edi Rama dhe ministrja e Arsimit, Besa Shahini zhvilluan një takim me studentë dhe pedagogë në Universitetin e Arteve në kuadër të “Programit Kombëtar të Punësimit të Studentëve”.
Ndërsa mori fjalën për të treguar eksperiencën e punës në administratën publike, një praktikant përfitoi nga rasti për të uruar ministren Shahini e cila i dha fund beqarisë këto ditë ndërsa sot u paraqit në punë.
Ai uroi ministren për martesën, ndërsa shtoi se do të jetë në pritje të llokumeve.
“Zonja Ministre të trashëgohesh! Nga dasma ke ardhur këtu në mbledhje. Llokume nuk morëm, por po presim”, tha ai
Rama: Në pritje për çfarë?
Studenti: Për llokume.
Rama: Dakord ti do llokume është e qartë. Nga ishe ti? E qartë. Përveç llokumeve, ndonjë kafe pa sheqer ka këtu?
Në këtë çast ministria i kërkon studentëve që morën fjalën që të tregojnë edhe universitetin ku kanë studiuar, por menjëherë ndërhyn Rama.
Ministrja: Kur të flisni na thoni edhe ku keni studiuar
Rama: Që t’i dimë ku t’i çojmë llokumet
Ministrja: Faleminderit për urimet./Opinion.al
