“Unë jam ngelësi ndërkombëtar zoti kryeministër”, kështu ka nisur fjalën e tij një student nga Universiteti Bujqësor i Tiranës, i cili ironizoi Ramën për deklaratat e fundit lidhur me protestat.
Madje, ky student u doli në mbrojtje dy studentëve të tjerë, të cilët iu kundërvunë Ramës dhe ky i fundit iu kthye me arrogancë dhe nuk pranoi të kishte përgjegjësi mbi universitetet duke u shprehur se këto institucione janë autonome.
”Përshëndetje zoti kryeministër, jam një ngelës ndërkombëtar. S’më pëlqen se si ju iu kthyet dy studentëve, studentes së parë dhe tjetrit. Madje s’më pëlqeu fakti se si justifikoheni dhe hiqni përgjegjësinë nga institucioni juaj, dhe ia vini Universitetit dhe as mënyra se si iu ktheve studentëve. Ne të kemi zgjedhur. Më pëlqeu përgjigja e studentit dhe shpresoj që rektori mos ta kap personale me të dhe mos ta ngelë. Ju thoni ‘katranjozët protestojnë’, por ata kërkojnë të drejtat e tyre. Kjo është e papranueshme dhe të na fusni të gjithë me një thes”, u shpreh studenti.
Rama replikoi me studentin, teksa i bëri të ditur se e ka merak të fitojë debatet.
“Shumë faleminderit! E para eprori nuk je as ti as ajo vajza. As unë s’jam. Të flas unë, se s’të ndërpreva. Për veten time e kam merak të fitoj debatet. Por është barazi. Nuk kam çfarë mendoj. S’jam ai politikani që bën sikur kupton dhe bën si i butë. Eprori nuk është as ti as e as ajo vajza. Epror bashkë me fjalën ‘këllqe’ lëreni jashtë, dhe shikojeni në fjalor. Kam ardhur të flasë për përgjegjësi dhe jo për faj. Ju keni 13 ditë që bërtisni dhe s’flisni. Unë pres që ju të flisni”, ia ktheu Rama.
