Edhe pse studentët e kanë pezulluar përkohësisht protestën, disa prej tyre vazhdojnë të dalin para kryeministrisë.
Të mërkurën ata njoftuan se kanë zgjedhur një formë tjetër proteste për plotësimin e kërkesave të tyre.
Olgert Rakipllari, një student aktiv në protestë, në një lidhje direkte për Ora News tha se të enjten do të zhvillojnë një ekspozitë me pankartat dhe memet më pikante gjatë protestës.
“Ne kemi gjetur këtë formë të protestës tonë, duke e reduktuar në dy orë, nga ora 10-12 çdo ditë. Nesër është parashikuar një ekspozitë, ku nga qindrat pankartat ne kemi zgjedhur 99 pankarta dhe meme. Kemi zgjedhur simbolikën numrin 9 për 9 kërkesat që i kemi parashtruar kryeministrit. Duke qenë se kryeministri është artist menduam ti flasim me gjuhën e tij, duke qenë se deri më sot nuk na ka mirëkuptuar”, tha Rakipllari.
