Studentët rikthehen në protestë. Ata janë mbledhur këtë të mërkurë para Ministrisë së Arsimit, ndërsa përdorën tymuese si dhe kanë thyer xhamat e godinës. Në listën e kërkesave të rinjtë kanë renditur 14 pika, një pjesë prej tyre të paplotësuara nga protesta e parë. Gjithashtu ata kanë shtuar edhe kërkesa të reja.
LEXO EDHE-Rama iu përgjigjet studentëve
Ndër pikat më të rëndësishme të listës së kërkesave është ulja me 50% të tarifës së Masterit, heqja e tarifave shtesë për provimet e prapambetura, kriteri i gjuhës së huaj të ruhet por të jepet si provim në Fakultetin e Gjuhëve të Huaja me tarifë të përballueshme prej tyre.
Ata kërkojnë gjithashtu investime urgjente në laboratorë e kabinete, rritjen e peshës së votës studentore në 25%, por edhe rritjen e pagës për pedagogët.
Pas protestës së fundvitit, qeveria reagoi duke ndërtuar paktin për universitetin, megjithatë duket se ky pakt nuk i ka kënaqur studentët./ Opinion.al
