Ka pasur një përplasje mes dekanit të Fakultetit të Shkencave Sociale, Edmond Rapti, i cili tha se mësimi në fakultet po zhvillohet normalisht në 10 klasa, e kërkon që një gjë e tillë të vazhdojë, dhe një grupi studentësh, të cilët pretendonjnë se dekani ka udhëzuar disa pedagogë t’u dërgojnë emaile për rifillimin e procesit mësimor.
Ata e quajtën dekanin mashtrues, duke shtuar se ai i ndalon studentët në korridore e iu kërkon të futen nëpër klasa e të zhvillojnë procesin mësimor normalisht.
Sipas njërit prej studentëve dekani del kështu kundër vendimit të marrë nga Asambleja e Fakultetit të Shkencave Sociale e cila ka vendosur bojkotin e proçesit mësimor dhe nisjen e grevës deri në një periudhë pa afat.
Sipas Asamblesë së Fakultetit të Shkencave Sociale vendimi i marrë me 36 vota pro, është i detyrueshëm, sepse është një vendim i marrë nga shumica e organit më të lartë vendimarrës së fakultetit, duke shtuar se kush shkel grevën shkel ligjin, statutin e Universitetit të Tiranës dhe bën një veprim të turpshëm.
Pedagogët e Fakultetit të Shkencave Sociale kërkojnë plotësimin e kërkesave të tyre që kanë të bëjnë me anullimin e disa VKM të miratuara së fundmi nga qeveria dhe anullimin e ligjit për Arsimin e Lartë./E.M
