Vazhdon, ne diten e saj te nente protesta e studenteve. Momentalisht ata gjenden para parlamentit, nderkohe qe brenda parlamentit diskutohet per ta e te drejtat e tyre, energjia elektrike eshte shkeputur, dhe fonia e studenteve nuk punon.
Për këtë tubim, studentët ngritën një podium ku kishte një foni me 5 bokse që zëri i tyre të dëgjohej sa më shumë. Por, për shkaqe ende të paditura, energjia elektrike në zonën rreth parlamentit është shkëputur .
Studentët kanë marrë megafonin duke thirrur: “Po na hiqet zëri, po na heqin të drejtën për të folur”. Ata gjithashtu kanë ngritur në shenjë proteste letra të bardha.
Kujtojme se studentet i kane derguar ministres Nikolla dhe kryeministrit Rama nje liste me 8 kerkesa, dhe nuk pranojne dialog sepse sipas tyre kerkesat nuk jane te negociushme.
Ky është vendimi i përbashkët i marrë nga të gjithë studentët e fakulteteve. Dhe në ndryshim nga dje, protesta e sotme nuk do të jetë e ndarë në dy vende te ndryshme.
Vendimi është mbështetur dhe nga Lëvizja për Universitetin, të cilët theksojnë se nuk do të ketë asnjë negocim me Ramën, por vetëm plotësim të kërkesave, tashmë të bëra publike.
Nga ana tjetër një pjesë studentësh e kanë gdhirë mëngjesin e sotëm në rrugë përpara ministrisë së Arsimit dhe kryeministrisë. Për shkak të temperaturave shumë të ulëta 2 prej tyre kanë shfaqur probleme shëndetësore dhe janë dërguar drejt spitalit për të marrë ndihmën mjekësore.
