Studëntët e universiteteve të Tiranës dhe Politeknikut nuk dorëzohen. Ata po protestojnë që prej orës 08:00 të mëngjesit. Protesta nisi nga Inxhinieria e Ndërtimit dhe më pas u zhvendos tek Ministria e Arsimit.
Gjatë protestës studentët kanë qëlluar me vezë, bidona uji, etj. në muret e Ministrisë së Arsimit. Studentët tharrasim “Duam bursë, duam dije, pallavra qeveria”.
Nëse nuk merren parasysh kërkesat e tyre ata kanë bërë thirrje për revolucion studentor: “Revolucion studentor. Revolucion studentor, revolucion studentor, ne nuk jemi bankomat, nuk tërhiqemi’. ” Jo negociata me ministren arrogante dhe injorante”, janë dëgjuar të thërrasin studentët.
Ndërsa në një pankart shkruhet “3 Bachelor+2 Master, unë dy veshka kam!”
Ndërkohë është bojkotuar mësimi edhe në universitetin e Elbasanit “Aleksandër Xhuvani”. Ata kanë braktisuar auditorët dhe kanë paralajmëruar se nuk shkojnë në mësim nëse qeveria nuk reflekton ndaj kërkesave të tyre.
*Pamje nga protesta
