Të gjithë studentët e Universiteteve publike në vend kanë vendosur sot që të bojkotojnë mësimin, dhe t’i drejtohen protestës masive që do të mbahet përpara ministrisë së Arsimit në Tiranë.
Kështu sot në Elbasan, Shkodër, Korçë, Durrës dhe Gjirokastër, shumica e studentëve janë organizuar dhe janë nisur drejt Tiranës, ku në duar mbajnë dhe pankarta mjaft orgjinale.
Po ashtu studentët e fakulteteve të Tiranës kanë nisur marshimin në drejtim të Ministrisë, ku kërkesat e tyre janë tashmë të qarta, dhe nuk pranojnë që të negociohet, ashtu si kërkon qeveria Rama.
