Një listë notash e publikuar në faqen e facebook-ut të Olti Currit ka bërë xhiron e rrjetit pasi tregonte se si një profesor kishte ngelur në klasë 99 për qind të studentëve. Opinion.al u interesua pranë fakultetit Ekonomik të Universitetit të Tiranës për të mësuar se si qendron e verteta e kësaj liste.
Profesori Ervin Demo na dha shifrat zyrtare të kalueshmërisë në lëndën “Hyrje në Modelimin Financiar”. Duke folur në emër të universitetit (pasi nuk është profesori i lëndës), Demo tha se “kalueshmëria ka qenë 71 për qind për studentët e sistemit të ditës”. Sipas tij, studentët përsëritës janë ata që kanë rezultate më të dobëta dhe kalueshmëria për këtë kategori është vetëm 30 për qind.
Sipas tij, studentët kanë publikuar vetëm dy faqet e fundit të listës së notave ku janë mbetësit dhe jo dy fletët e para ku janë notat kaluese.
Lënda “Hyrje në Modelimin Financiar” jepet në vitin e dytë të degës së Financës në FIE të Universitetit të Tiranës.
/Riviera Dedaj-Opinion.al
*Lista e plote e notave
*Lista e mbetesve
