Studentët kinezë në Shtetet e Bashkuara të Amerikës, janë duke paguar me mijëra dollarë, për të siguruar një vend në avionët privatë që kthehen në Kinë, pasi koronavirusi është duke u përhapur me shpejtësi në tokën e premtuar.
Në një kohë me kufij të mbyllur dhe mijëra fluturime të anuluara, eshtë e vështirë të gjesh një biletë për një udhëtim që do të zgjasë mbi 60 orë, me shumë tranzite gjatë rrugës.
CNN sjell shembullin e Jeff Gong, një avokat në Shanghai, i cili e pyeti vajzën që ndjek shkollën në Wisconsin, nëse donte 25 mijë dollarë për të shpenzuar apo një biletë për çarter për t’u kthyer në shtëpi. Dhe vajza iu përgjigj se nuk donte t’ia dinte për paratë, por iu lut që ta kthente sa më parë në shtëpi.
Numri i studentëve kinezë që duan të kthehen në shtëpi është rritur ndjeshëm pasi të prekurit me koronavirus në Shtetet e Bashkuara kanë arritur në 50 mijë, ndërkohë që në Kinë, numri i tyre ka shkuar drejt zeros./Opinion.al
