Një ish-striptisteje i ka buzëqeshur fati. Ajo ka fituar “lotarinë” e jetës pasi një ish-klient dhe miku i saj i la një trashëgimi një pasuri të madhe.
Ajo është Veronica Beckham, e cila u njoh me ish-drejtuesin e HBO vetëm disa muaj përpara vdekjes së tij. Sipas mediave të huaja, 34-vjeçarja dhe Micky Liu u takuan në korrik të vitit 2014 në klubin e striptizmit në Atlantik Siti.
Beckham ka thënë se ata u bënë ‘miq’ dhe ajo e përshkroi si miqësi të përhershme. Ndërkohë “New York Post” shkruan se Liu, i cili vuante nga diabeti dhe sëmundjet e zemrës të lidhura me obezitetin, vdiq në moshën 50 vjeçare.
E mesa duket Liu e ndjente si një mike të vërtetë striptisten saqë i la një pasuri prej 223.000 dollarë sipas të dhënave të gjykatës. Beckham thotë se kurrë nuk ka bërë seks me Mickyn. Për sa i përket parave, ajo do të nisë një karrierë të re me to si stiliste.
E sigurisht, jo të gjithë të afërmit e Liu ishin të kënaqur me vendimin e tij për t’ia lënë trashëgimin një striptisteje.
Motra e tij, May Liu kundërshtoi trashëgiminë në gjykatë duke thënë se Beckham, si një striptiste profesioniste ishte e aftë të manipulonte burrat.
Por gjykata vendosi që Beckham të merrte trashëgiminë dhe vetëm ish-të dashurat e Micky kishin të drejtë të kundërshtonin vendimin.
