Aktualitet

Stresin e kapi ‘Forca e Ligjit’, gazetari ironizon: Hidhu nga ballkoni


Bëhu pjesë e Grupit Zyrtar të Opinion.al
>> KËTU <<
               Publikuar në : 10:58 - 18/10/18 |
b.f

Reperi i njohur Arkimed Lushaj, i njohur si Stresi është arrestuar në një hotel në zonën e Linzës.

Policia tha se arrestimi i reperit 31-vjeçar vjen pas një hetimi disa mujor me metoda speciale ndaj një grupi kriminal që operonte në kryeqytet, pjesë e të cilës dyshohet se është edhe Stresi.

“Forca e Ligjit në veprim vë në pranga një nga anëtarët e një grupi kriminal që operon në Tiranë në lidhje me aktivitetin e kundraligjshëm me tendencë ‘Trafikim narkotikësh’ dhe ‘Krimeve kundër personit’”.

Gjatë kontrolleve të ushtruara në dhomën e hotelit ku ndodhej Stresi  është gjetur dhe sekuestruar një sasi e vogël kokaine, një armë zjarri pistoletë e tipit “Pjetro Beretta” si dhe 12 fishekë të modelit 7.65 mm.

Bashkë me reperin, policia e Tiranës ka shoqëruar në Komisariatin nr.4  edhe një 20-vjeçare nga Tirana me iniciale P. Ç.  Vajza do të procedohet në gjendje të lirë për veprën penale të ‘Moskallzimit të krimit’.

Por në rrjet ka pasur ironi me operacionin e policisë. Gazetari Edi Oga postoi një status në FB:

“Policia dhe drejtësia u këputën duke punuar:

  1. Arrestojnë Stresin!
    2012. Lirojnë Stresin!
    ……………………………..
    2015. Arrestojnë Stresin!
    2015. Lirojnë Stresin!
    ……………………………..
    2018. Arrestojnë Stresin!
    2018. Lirojnë Stresin!
    ……………………………..

Hidhu përsëri nga ballkoni i rajonit, o Stres!
Është kat i parë dhe derën e ke të hapur!”

 

Pas