Gent Strazimiri doli për herë të dytë në selinë e PD sot për të denoncuar kapjen e institucioneve të reja të drejtësisë dhe konkretisht KLD-së. Ai tha se Edi Rama dhe vegla e saj Arta Marku u hakmorën ndaj Bujar Shoshit vetëm 1 ditë pasi ai votoi për të rikthyer tek Krimet e Rënda dy prokurorët, Besim Hajdarmataj dhe Olsi Çela. Sipas Strazimirit, Bujar Shoshi ka qenë bahkëpunëtor i Sigurimit të Shtetit, dhe mbante pseudonimin “Venus”.
Ai u propozua për në KLD nga Arta Marku, në shkelje të ligjit. Vetëm 1 ditë pas votimit në KLD për prokurorët, del vendimi i Autoritetit të Dosjeve se Shoshi është person i papërshtashëm për këtë detyrë. E gjitha kjo sipas, PD bëhet për të mbajtur nën presion dhe shantazh anëratët e KLD.
“Pseudonimi i atij që sot është në drejtimin e qeverisjes së re të Prokurorisë ka qenë “Venus”-i, por dashuria me Arta Markun, e cila e ka kualifikuar në kundërshtim me ligjin, ka mbaruar. Ne i kërkuam Arta Markut të japë sqarime se për çfarë arsye e dërgoi për vetting aplikimin e Bujar Sheshit pa përmbushur kriterin ligjor: pa marrë përgjigje nga Autoriteti i Dosjeve për kandidatin e drejtësisë se reformuar.
Arta Marku po hesht për të mbuluar mekanizimin mafioz që Edi Rama ka përdorur me veglat e tij në Prokurorinë e Përgjithshme dhe në Autoritetin e Dosjeve për të kontrolluar Këshillin e Lartë të Prokurorisë.
E vërteta është se organet e reja të Drejtësisë nuk janë të pavarura. Ato punojne nën shantazh dhe sipas interesave politike mafioze. “Me kapjen politike të Këshillit të Lartë të Prokurorisë, Edi Rama synon t’i shpëtojë drejtësisë, duke kontrolluar dhe penguar SPAK-un të bëjë atë që shqiptarët presin me padurim: burg për politikanët dhe zyrtarët e korruptuar e të lidhur me krimin. Kjo është një arsye më shumë për të dalë në protestë më 16 Shkurt! “, tha ai.
/Ri-De
*Dokumenti, vendimi i Autoritetit të Dosjeve për Bujar Shoshin
