Qeveria shqiptare dërgon për herë të katërt listën e kandidatëve për gjykatën e Strasburgut e refuzuar tashmë 3 herë. Por ai që bie në sy në tre propozimet e kësaj radhe, është emri i Sokol Berberit, i refuzuar tre herë nga Këshilli i Europës, te cilit i dergohet lista.
Ndonëse Berberi rezulton një humbës aspak dinjitoz, qeveria shqiptare nuk ka ngurruar ta vendosë sërish në listë krahas dy emrave të rinj të propozuar këtë radhë, Darian Pavli dhe Marjana Semini, të përzgjedhur ad-hoc mes 16 aplikantëve që përmbushnin kriteret e shpallura në njoftimin për aplikim.
Nga ana tjetër, çfarë vlen të përmendet lidhet me faktin se emri i Berberit disa herë është cilësuar nga opozita si njeri i afërt i Ministrit të Brendshëm Xhafaj.
Pyetja logjike është e thjeshtë: Përse qeveria shqiptare duhet të dërgojë për të katërtën herë një emër të refuzuar e aq më tepër të lakuar, në një kohë kur aplikimet nuk kanë munguar? Çfarë ka kaq të veçantë zoti Berberi që ndonëse është refuzuar 3 herë merr sërish një mundësi të artë, që në fakt u është mohuar aplikantëve të tjerë?
Kujtojmë se refuzimi i tretë i Strasburgut ka ardhur për shkak se kandidaturat nuk janë pranuar për mosrespektim të procedurave të përzgjedhjes. Komisioni përzgjedhës i kandidaturave u ngrit nga sekretari i Përgjithshëm i Kryeministrisë
KANDIDATET E REFUZUAR NE STRASBURG
lista e parë e refuzuar
Sokol Berberi
Ina Rama
Gent Ibrahimi
lista e dytë e refuzuar
Sokol Berberi
Aurela Anastasi
Aleksandër Muskaj
lista e tretë e refuzuar
Sokol Berberi
Irakli Koçollari
Suela Mëneri
lista e katërt
Sokol Berberi
Marjana Semini
Darian Pavli
