Vdekja e 32-vjeçarit Laer Kurtit ka bërë që të rinjtë të thërrsin një protestë kundër dhunës policore.
Në rrjetet sociale është shpërndarë thirrja për të protestuar, ndërsa thuhet se qytetarët janë ftuar të mblidhen në orën 20:00 para ministrisë së Brendshme.
Në posterin e protestës shkruhet: Kupa u mbush, boll më me padrejtësitë. Stop ekzekutimit të shqiptarëve.
Njoftimin e protestës ka shpërndarë edhe kreu i PD, Sali Berisha.
32-vjeçari,Laer Kurti, u largua me vrap pasi policia i bëri thirrje të ndalonte. Pasi efektivët e kapën e shoqëruan në komisariat. Aty, Kurti nuk u ndje mirë dhe më pas u transportua te Trauma, ku u konstatua se i riu kishte humbur jetën.
Nga autopsia e kryer në Institutin e Mjekësisë Ligjore, rezultoi se në stomakun e viktimës është gjetur një qese plastike, e dyshuar si ambalazh i lëndës narkotike, e cila i është nënshtruar ekzaminimit në Institutin e Policisë Shkencore.
