Kopshti “Kodër Kamëz” në Laprakë është mbyllur prej 2 vitesh dhe plot 113 fëmijë janë transferuar në shkollën 9-vjeçare “Isa Boletini”. Por edhe në shkollë kushtet janë skandaloze, ambientet gjithë lagështirë, ndërsa fëmijë e të rritur detyrohen të përdorin të njëjtat tualete. Drejtoresha Desantila Ferati dhe edukatorja Shyhrete Gjonaj pranojnë kushtet e vështira dhe shprehen se shpresojnë që të gjendet një zgjidhje për fëmijët.
Edhe prindërit e fëmijëve ankohen për kushtet e përshtatshme për fëmijët e vegjël. Drejtoresha Desantila Ferati na tregon klasat se ku qëndrojnë fëmijët, si zhvillohen orët e mësimit, si edhe kushtet e kësaj shkolle.
“Në këtë klasë janë 55 fëmijë. E vështirë është, por nuk besoj se do të qëndrojmë shumë gjatë. Besoj se kopshti do të bëhet shumë shpejt. Lagështirë ka, por ne jemi përkohësisht këtu. Kështu që, mësimi vazhdon normalisht.”
Drejtoresha shprehet se në klasën tjetër ndodhen 54 fëmijë, dy grupe të moshave të ndryshme dhe se për ta menaxhuar orën e mësimit edukatoret merren me grupin përkatës. Edukatorja Shyhrete Gjonaj rrëfen se ndihet shumë e lodhur me këtë situatë./tvklan.al
