Sekretari i Përgjithshëm i NATO-s, Jens Stoltenberg ka folur në një konferencë për shtyp këtë mëngjes, përpara takimit të ministrave të jashtëm në Rumani javën e ardhshme.
Stoltenberg tha se do të vazhdojë mbështetjen e saj për Ukrainën dhe do të rrisë ndihmën për të luftuar kundër forcave ruse.
“NATO do të vazhdojë të qëndrojë me Ukrainën për aq kohë sa të duhet. Ne nuk do të tërhiqemi. Shumë luftëra përfundojnë në negociata, por ajo që ndodh në tryezën e bisedimeve varet nga ajo që ndodh në fushën e betejës”, u shpreh Stoltenberg.
Stoltenberg tha se nuk do të kishte “paqe të qëndrueshme” nëse Rusia fitonte, ndërsa shtoi se Finlanda dhe Suedia duhet të mirëpriten si anëtarë “të plotë” të aleancës.
