Federata Shqiptare e Futbollit vazhdon bisedimet me teknikë të ndryshëm, për t’i besuar stolin e kombëtares. Së fundi, mësohet se Armand Duka ka udhëtuar drejt Italisë për të takuar ish-trajnerin e Milanit, Alberto Zaccheroni.
Bëhet fjalë vetëm për një takim fillestar dhe informues, pa pasur asgjë konkrete. Nëse gjithçka mbyllet me sukses, trajneri italian mund te firmosë një kontratë dyvjeçare (1+1) për të drejtuar kuqezinjtë.
Në të shkuarën, Alberto Zaccheroni ka drejtuar Milanin, Interin dhe për pak kohë Juventusin, si edhe kombëtaret e Japonisë dhe Emirateve të Bashkuara Arabe./Opinion.al
